Dımash Azııadaǵy eń iri sharalardyń biriniń sahnasynda óner kórsetti

ASTANA. QazAqparat - Dımash Qudaıbergen Úndistannyń Mýmbaı qalasynda ótken Azııadaǵy eń iri sharalardyń biri – TEDxGateway konferentsııasynyń sahnasynda óner kórsetti. QazAqparat bul týraly dimashnews.com saıtyna silteme jasap habarlaıdy.

TEDxGateway halyqaralyq konferentsııasy mańyzdy jańa ıdeıalardy zertteý jáne bólisý boıynsha TEDx-tiń jahandyq mıssııasyna arnalǵan. Jyl saıynǵy shara álemdi tereńirek túsinýge umtylatyn túrli mádenıetter men ulttardyń kórnekti ókilderin biriktiredi.

Іs-shara Ulttyq óner kórsetý ortalyǵynda (NCPA) ótti. Teatr 1982 jyly ashylǵan. Búginde bul Mýmbaıdyń tanymal nysandarynyń biri.

Keshti ánshi ári kompozıtor Sonam ​​Kalra júrgizdi. Hındı tilinde táýelsiz fılmderdegi jumysymen tanymal úndilik kıno jáne teatr aktrısasy Shefalı Shah shara qonaǵy boldy.

Konferentsııanyń mádenı baǵdarlamasynda Úndistannyń eń úzdik kathak bıshisi jáne horeograftarynyń biri Adıtı Mangaldaspen birge Dımash Qudaıbergen óner kórsetti.

Dımash pen onyń Dears fandomyn tanymal prodıýser Ralf Saımon tanystyrdy. Sahnada 3 án - Golden, S.O.S jáne Give Me Your Love shyrqaldy.

Ártistiń shyǵarmashylyq ómirinde úlken ról atqarǵan eń tanymal jáne mańyzdy shyǵarmalardyń biri, frantsýz tilindegi klassıkalyq S.O.S ánine kórermen qyzý qoshemet bildirdi.

Aǵylshyn tilindegi «Golden» kompozıtsııasy progressıvti jastar aýdıtorııasyna tán ádildikke jáne alǵa qoıylǵan maqsatqa qol jetkizýge degen umtylysty kórsetedi.

Dımashtyń jiger men optımızmge toly avtorlyq «Give me your love» áni keshti aıaqtap, zalda jáne ekrannyń ar jaǵynda otyrǵan kórermenge pozıtıv pen energııa syılady.

Foto: dimashnews.com