Dımash áıgili Plasıdo Domıngomen birge án shyrqaıdy
ASTANA. KAZINFORM - Dımash Qudaıbergen Vetnam astanasy Hanoı qalasyna bardy.
Bul týraly ánshiniń dimashnews.com saıtynan málim boldy.
Noı Baı áýejaıynda qazaqstandyq ónerpazdy jergilikti fan-klýbtyń jankúıerleri qarsy aldy.
Vetnamdyq Dears-tyń biri tipti Dımashty qazaq tilinde qarsy alyp, quttyqtady.
Vetnam jerindegi kezdesý ádettegideı gúl shoqtarymen jáne ánshiniń jankúıerlerine bergen qoltańbasymen ystyq sezimge toly boldy.
6 shildede Dımash Sun Symphony Orchestra-nyń súıemeldeýimen Ho Gom teatrynyń sahnasynda Plasıdo Domıngo jáne Krıstın Opolaıspen birge óner kórsetedi.
Kontsert Vetnam astanasynyń jańa mádenı sımvoldarynyń biri Ho Gom teatrynyń ekinshi týǵan kúnine oraı uıymdastyryldy.
Osyǵan deıin qazaqstandyq ónerpazdyń Lara Fabıannyń Londondaǵy kontsertinde arnaıy qonaq retinde óner kórsetkeni týraly jazdyq.