Dımash Almaty áýejaıynda fanattarymen júrip ushaqtan keshikti

AQTÓBE. QazAqparat - Dımash Qudaıbergen ushaqtan keshigip qalyp, Almatydan Aqtóbege charterlik reıspen keldi, dep habarlaıdy QazAqparat tilshisi.

 Aqtóbede «Týǵan jer» forýmy ótip jatyr. Birneshe saǵattan soń Qobylandy batyr atyndaǵy ortalyq stadıonda kontsert ótedi. Týǵan jerine arnaıy kelip, óner kórsetýi tıis Dımash Qudaıbergen búgin jergilikti ýaqytpen 12:00-de Aqtóbege jetýi tıis edi. Biraq ol Almaty áýejaıynda keshigip qalyp, Aqtóbege jete almady. Búgin ony cherterlik reıspen aldyrdy. Dımashty áýejaıdan ákesi Qanat Aıtbaev kútip aldy. Áýejaıda basqa eshkim bolmady. Tilshilerge sýretke túsirýge, suhbattasýǵa kelisim berilmedi. Dımash mingen kólik áýejaıdyń artqy esiginen shyǵyp ketti.

Senimdi aqparat kózine súıensek, Dımash Almaty áýejaıynda fanattarymen júrgen kezde ushaq kókke kóterilip ketken.