Dımash álemdik týrdyń alǵashqy taraýynyń kontseptsııasyn tanystyrdy
ASTANA.KAZINFORM – Dımash Qudaıbergen DIMENSIONS álemdik týrynyń ishki saıahat, ózin-ózi taný jáne jeke bastyń ártúrli aspektilerin qabyldaýǵa arnalǵan birinshi taraýynyń tujyrymdamasyn usyndy. Bul týraly dimashnews.com jazdy.
1-taraý I Únemi ózgeriste. Únemi shynaıy
Tereń ári móldir qyzyl tús tek Dımashqa ǵana arnalyp jasalǵan rýhtyń sheńberli teatryn boıyna syıǵyzǵandaı. Onyń dál ortasynda — alqyzyl keńistiktiń jalǵyz ózegi ispetti ózi tur. Ony óziniń san qıly beıneleri qorshaǵan, alaıda olardyń birde-biri ekinshisine uqsamaıdy. Árbir tulǵa ómiriniń jeke bir taraýyn, eshqandaı sharttylyqpen shektelmegen jan dúnıesiniń ózindik bir qyryn saqtaıdy.
Ár beıne ortalyqtaǵy óziniń shynaıy «menine» kóz tigedi. Óz-ózimen únsiz, biraq tereń dıalog ispetti: qaıta paıymdaý, ózin taný jáne ishki úılesimge kelý úderisi. Sheńberli kompozıtsııa bar nazardy ishke qaraı baǵyttap, tuıyqtalǵan kórkemdik aınalym qalyptastyrady. Munda árbir ólshem, túptep kelgende, óz bastaýyna qaıta oralady. Ótkenine, óziniń san alýan beıneleri men tulǵasynyń jasyryn qyrlaryna kózbe-kóz kelgen ol bul estelikti qabyldaýǵa, sondaı-aq tulǵalyq qalyptasý jolynda júrip ótken árbir belesti moıyndap, bekemdeledi.
Bul — DIMENSIONS. Ýaqyt pen keńistikti sharlaý týraly fantazııa emes. Bul — adamnyń óz bolmysynyń tutastyǵymen betpe-bet keletin ishki sapary.
