Dımash AQSh-taǵy ınternet saýalnama jaıly: Ol eshteńeni sheshpeıdi

ASTANA. QazAqparat - Ánshi Dımash Qudaıbergen AQSh-taǵy tanymal ınternet alańdarynyń biri - Ranker-degi «The Best Singers of All Time» (Dáýirdiń uly ánshileri) saýalnamasynda ózine qoldaý bildirgen jankúıerlerine alǵysyn bildirdi, dep habarlaıdy QazAqparat.

«Búgin Amerıkadaǵy saıttardyń birinde meniń de atym atalǵan saýalnamanyń júrgizilgenin bildim. Sizderdiń daýys bergenderińizge, qoldaýlaryńyzǵa shyn júrekten alǵysymdy bildiremin. Alaıda bul saýalnamanyń belgili bir baıqaýlarǵa, nagradalar men televızııalyq jobalarǵa túk qatysy joq. Bul tek ınternet saýalnama jáne ol eshteńeni sheshpeıdi))) Maǵan árdaıym qoldaý bildirip kele jatqandaryńyzǵa jáne Qazaq halqyna zor alǵysymdy aıtamyn. Meniń shyǵarmashylyǵymdy osylaı baǵalaıtyn jankúıerlerdiń bolýy men úshin zor mártebe. Men sizderdiń fanattaryńyzbyn. Welcome to Kazakhstan! Men sizderdi súıemin», - dep jazdy ánshi Instagram paraqshasynda.

Eske sala ketsek, bir kún buryn Dımash Qudaıbergen AQSh-taǵy tanymal ınternet alańdarynyń biri - Ranker-degi «The Best Singers of All Time» (Dáýirdiń uly ánshileri) daýys jınaý saıysynda úzdik ondyqtyń qatarynda kele jatqany týraly jazǵan bolatynbyz.

Alaıda arada kóp ýaqyt ótpeı, Dımash júzdiktiń qatarynan shyǵyp qaldy.