Dımash 2025 jylǵy ÓČKO CHART cheh hıt-paradynyń jeńimpazy atandy

ASTANA. KAZINFORM – 2024 jyly Dımash Qudaıbergen Chehııada ótken ÓČKO CHART mýzykalyq syılyǵynyń saltanatty marapattaý rásimine qatysyp, 2023 jáne 2024 jyldardyń qorytyndysy boıynsha Together jáne When I’ve Got You kompozıtsııalarymen jeńiske jetti. Osy kezeńnen bastap Dımash hıt-paradtyń eń tanymal ári bedeldi qatysýshylarynyń biri retinde onyń mýzykalyq týyndylary chehııalyq Óčko mýzykalyq telearnasynda turaqty túrde kórsetilip keledi. Bul týraly dimashnews.com jazdy.

2025 jyly ÓČKO CHART tiziminde bir mezgilde Dımashtyń eki shyǵarmasy usynyldy. Olar: lırıkalyq Love Is Not Over Yet kompozıtsııasy jáne qazaq tilindegi Tau Ishinde áni.

Daýys berý qorytyndysy boıynsha tyńdarmandar tarapynan eń kóp qoldaýǵa ıe bolǵan Love Is Not Over Yet týyndysymen Dımashqa 2025 jylǵy ÓČKO CHART jeńimpazy atandy. Baıqaý uıymdastyrýshylary bolashaqta ártistiń Praga qalasyndaǵy TV Óčko stýdııasynda marapatqa ıe bolatynyna senim bildirdi.

Dımash álemdegi eń belsendi ári uıymshyl fan-aýdıtorııalardyń birine ıe oryndaýshy retinde tanylǵan. Árbir hıt-paradqa qatysýy barysynda túrli elderden kelgen jankúıerler chehııalyq Dears qaýymdastyǵynyń bastamalaryn qoldap, birlese jumys isteıdi. Osy qoldaýdyń nátıjesinde ÓČKO CHART tarıhynda buryn-sońdy bolmaǵan kórsetkish tirkeldi, ıaǵnı Dımash barlyq daýys berý aptasynda qatarynan aıqyn basymdyqpen jeńiske jetken jáne hıt-paradta jeńilis kórmegen jalǵyz oryndaýshy atandy.

TV Óčko arnasynyń marketıng jónindegi dırektory Mıhal Krjıjek ártispen seriktestigin joǵary baǵalap, onyń kásibıligi men adamı qasıetterine erekshe toqtaldy.

– Juldyz neǵurlym bıik bolǵan saıyn, soǵurlym qarapaıym bolady degen oıdamyn. ÓČKO arnasynda bul pikir san márte dáleldendi, – dep atap ótti ol Chehııalyq Dears qaýymdastyǵyna joldaǵan habarlamasynda.

Aıta keteıik, Dımash Qudaıbergen týraly «Sheksiz mýzyka» atty kitap jaryqqa shyqty.