Dilmar stýdentter respýblıkalyq pikirsaıys týrnırinde bas qosty
ASTANA. 1 mamyr. QazAqparat - S.Seıfýllın atyndaǵy Qazaq agrotehnıkalyq ýnıversıtetiniń 55 jyldyǵyna oraı «KazATU OPEN» I Respýblıkalyq pikirsaıys týrnıri ótti.
Týrnırge qatysqan 56 komandanyń 52-si Astanadan ózge aımaqtardan keldi. Qatysýshylardyń oıyndary Amerıkandyq Parlamenttik format sheńberinde ótti. Oǵan sáıkes birmezgilde 4 komanda (8 spıker) oınap, qazylar alqasynyń alqalyq sheshimi shyǵarylady. Saıys kezeńderiniń taqyryptary aldyn ala taratyldy jáne olar Prezıdenttiń «Áleýmettik-eknomıkalyq jańǵyrtý - Qazaqstan damýynyń basty baǵyty» atty Qazaqstan halqyna arnaǵan jyl saıynǵy Joldaýy negizinde qurastyryldy.
Qazaq jáne orys lıgalarynda 28 komandadan (barlyǵy 112 qatysýshy) qatysty.
Debattyq týrnırdiń nátıjesi boıynsha, «Úzdik spıker» ataǵyn Qaraǵandy ekonomıkalyq ýnıversıtetiniń stýdenti Danııar Bıbasar; «Úzdik tóreshi» ataǵyn Semeı memlekettik pedagogıkalyq ınstıtýtynan kelgen Toǵjan Esenbaeva jeńip aldy.
Birinshi oryndy Almaty Halyqaralyq bıznes ýnıversıtetiniń dilmarlary E. Orazalıev pen D. Estanov ıelendi. Ekinshi oryndy Qaraǵandy ekonomıkalyq ýnıversıtetiniń stýdentteri M. Tosqanbaev pen Sh. Birálın jeńip alsa, úshinshi júlde Astanadaǵy Qazaq Gýmanıtarlyq zań ýnıversıtetinen qatysqan B. Qaltaev pen Qaraǵandy ekonomıkalyq ýnıversıtetiniń stýdenti D.Bıbasarǵa buıyrdy.
