Dildash Quryshbaeva Qazaqstan qorjynyna Ýnıversıadanyń qola júldesin saldy
ASTANA. 16 shilde. QazAqparat - Qazaqstandyq samboshy Dildash Quryshbaeva Qazan qalasynda ótip jatqan Búkilálemdik Ýnıversıadanyń qola júldegeri atandy, dep habarlaıdy Vesti.kz.
68 kelige deıingi salmaq dárejesinde úshinshi oryn úshin básekege ol Belarýs eliniń ókili Olga Namazovamen kúresip, jeńiske jetti. Bul búgingi, 16 shilde kúngi básekedegi alǵashqy júlde ekenin aıta keteıik. Keıinirek sambodan altyn medal úshin talasqa Baǵdat Jarylǵasov shyqpaq.
Sonymen birge qazaqstandyqtar nysanany kózdep atýdan jáne grek-rım kúresinen básekeni jalǵastyrýda. Jalpy esep boıynsha qorjynymyzda 27 medal, onyń ekeýi ǵana altyn.
