Dılnaz Ahmadıeva, Álı Oqapov, «Orda» toby Astananyń turǵyn úı alaptaryn aralap, kontsert qoıady
ASTANA. 13 maýsym. QazAqparat - «Astana Shattyq» shyǵarmashylyq kerýeni qalanyń turǵyn úı alaptarynda tórtinshi jyl qatarynan ótkizilýde. Bul Qala kúni merekesine arnalǵan is-sharalar aıasynda jaqsy dástúrge aınaldy.
Avtokerýen - bul Astana qalasynyń turǵyn úı alaptary turǵyndary úshin qoıylatyn kóshpeli kontsert. Onyń baǵdarlamasyna ónerdiń túrli baǵyttary men janrlary usynylady. Avtokerýenge Qazaqstan estradasy juldyzdarynyń qatysýy onyń bedelin arttyryp, mańyzyn kóterýde.
Osy jyly avtokerýende Dılnaz Ahmadıeva, Álı Oqapov, Orda toby syndy juldyzdar óner kórsetedi. Bul jaıynda astana.kz saıtyna Astana qalasynyń 15 jyldyq mereıtoıyn uıymdastyrýshy komıtettiń medıatoby habarlady.
Avtokerýen baǵdarlamasynda ár túrli jastaǵy kórermender óz qalaýyna qol jetkize alady.
«Astana Shattyq» avtokerýeni Almaty, Esil, Saryarqa aýdandary men Temirjol, Úrker, Kóktal turǵyn úı alabyn aralaıdy.
