"Dil qońyr úndi dombyra - brend" dep atalatyn monografııa jaryq kórdi

   dep habarlaıdy QazAqparat.

         «Bul monografııanyń bir ereksheligi - munda avtorlardyń ózderiniń izdenisteriniń nátıjesinde týyndaǵan kóptegen jańa uǵymdar, termınder, sóz tirkesteri bar. Mysaly, kóshpeıtin kóshpendiler, qońyr úndi qazaq eli, ún-qońyr dildi halyq t.b. Bundaı uǵymdardyń, sózderdiń alǵash tanysqanda, túsiniksiz, tosyn kórinetini jasyryn emes. Alaıda, zer salyp, zeıin qoıyp oqyǵan adam - ondaı dúnıelerdiń ǵylymı negizi bar, ábden oryndy ekenine monografııalyq jumyspen tereńdep tanysý barysynda birtindep kóz jetkize alady», deıdi oǵan pikir jazǵan QazUÝ-dyń  professory,  fılosofııa ǵylymdarynyń doktory T. Ǵabıtov. Al onyń  áriptesi professor G. Ábdiǵalıevanyń aıtýynsha,  zertteýdiń metodologııalyq negizderine avtorlar dil, ún, qońyr uǵymdaryn fılosofııalyq, etnofýtýrlyq jáne germenevtıkalyq turǵylardan taldap, qazaqtarda kezdesetin ekzıstentsııalyq motıvterdi ashyp kórsetken. Monografııanyń negizgi nysany - qazaq mádenıetiniń ótkeni, búgini jáne bolashaǵyna qatysty máselelerdi baıyptaý, saralaý bolyp tabylady. Onda  qazirgi kezdegi qazaq ahýalynyń bir áleýmettik-ekonomıkalyq júıeden ekinshi bir áleýmettik-ekonomıkalyq júıege ótý barysyndaǵy jaǵdaıy, rýhanııat, mádenıet, óner salalaryndaǵy ulttyq el ekenin bildiretin qabyrǵaly máselelerdi durys sheshe bilýdiń joldary qarastyrylǵan.