«Dıkıı Arman» kúsh qurylymdaryn azaptaý faktisi boıynsha sotta jeńip shyqty

ALMATY. QazAqparat – «Dıkıı Arman» laqap atymen tanymal Arman Jumageldıev kúsh qurylymdaryn azaptaý faktisi boıynsha sotta jeńip shyqty. Bul týraly advokat Oleg Chernov málim etti, dep habarlaıdy QazAqparat tilshisi.

«Ol (Dıkıı Arman) azaptaý jáne quqyq qorǵaý organdarynyń ózge zańsyz áreketterine qatysty sotta jeńdi. Búgin bul týraly bilip, qatty qýandy. Zań ol úshin jumys istemeıtinin, biraq búgin tańǵajaıyp oqıǵanyń bolǵanyn aıtty», – dep jazdy Oleg Chernov. Atalǵan iske qatysty sot jabyq túrde ótkendikten, qalalyq sot ókilderi aqparat taratylmaıtynyn jetkizdi.

Buǵan deıin sot Arman Jumageldıevti qamaýda ustaý merzimin 7 tamyzǵa deıin sozǵan edi. Eske salaıyq, byltyr 7 qańtarda Almatyda polıtseıler «Dıkıı Arman» laqap atymen tanymal qylmys áleminiń bedeldisi Arman Jumageldıevti ustaǵan bolatyn. Keıin QR Bas prokýratýrasy «Dıkıı Armanyń» Ulttyq qaýipsizdik qyzmetiniń tergeý ızolıatorynda otyrǵanyn jetkizdi.