«Dıkıı Arman» qaıda qamaýda otyr – Bas prokýratýra jaýaby

NUR-SULTAN. QazAqparat – «Dıkıı Arman» Ulttyq qaýipsizdik qyzmetiniń tergeý ızolıatorynda otyr. Bul týraly QR Bas prokýratýrasy Arnaıy prokýrorlar qyzmetiniń bastyǵy Rızabek Ojarov aıtty, dep habarlaıdy QazAqparat tilshisi.

«Áleýmettik jeliler men messendjerlerde «Jumageldıev bosatyldy» nemese «ony belgisiz baǵytta alyp ketti» degen túrli boljamdar men jalǵan aqparattar taratylýda. Eger basynda bul azamatty polıtsııa atys qarýyn zańsyz saqtaǵany úshin ustasa, qazir oǵan qatysty jappaı tártipsizdikter boıynsha is tergelip jatqanyn resmı túrde habarlaımyn. Qazirgi kezde arnaıy prokýrorlar eki qylmystyq isti biriktirip, óz tergeýine aldy. Al Jumageldıev UQK tergeý ızolıatoryna aýystyryldy», - dedi Rızabek Ojarov Ortalyq kommýnıkatsııalar qyzmetindegi brıfıng barysynda.

Buǵan deıin R.Ojarov «Dıkıı Armannyń» toby 24 beıbit turǵyndy urlap, kúshtep ustaǵanyn málim etken bolatyn.