«Dıkıı Arman» beıbit turǵyndardy qonaqúılerdiń parkınginde kúshpen ustaǵan – Bas prokýror
«2021 jyl boıy, jasyryn túrde radıkaldy shara qoldaný úshin oryndaýshylardy daıyndaý júrgizilgenin ǵana aıta alamyn. Oryndaýshylardyń qatarynda uıymdasqan qylmystyq toptar bolǵan. Olar adamdardy jınap, qarýlandyrǵan, ratsııa jáne kólik satyp alǵan. Tergeý anyqtaǵandaı, osy áreketterdiń basynda kúsh qurylymdarynyń jekelegen ókilderi turǵan. Mysaly, tergeý versııasy boıynsha, Almatyda Jumageldıev (laqap aty «Dıkıı Arman») erekshe ról atqarǵan», - dedi Berik Asylov Májilistiń búgingi otyrysynda.
Onyń áreketin UQK-degi kýratory úılestirgeni anyqtaldy. Ol tártipsizdikterdi uıymdastyryp, adamdar tobyn basqarýdy óz qolyna alyp, bılikke bultartpas talap qoıý úshin «halyq keńesi» degendi qurýy tıis bolǵan.
«Oǵan Almaty qalalyq máslıhatynyń eks-depýtaty, sondaı-aq qylmystyq toptyń belsendi múshesi Mahatov kómektesken, ol Almatydaǵy «Qazaqstan» qonaq úıine kelýshi bandıtterdi qarýlandyrǵan.
«Alaıda olar jappaı narazylyqty basqara almady. Halyq olarǵa ergen joq. UQK-niń burynǵy tóraǵasynyń ustalǵany týraly aqparat alǵan soń, keıin ózin aqtap alý úshin maroderlermen kúresti jeleý etip, sodyrlarǵa qala turǵyndaryna shabýyl jasaý tapsyrylǵan. Sol úshin 6 qańtarda olar qalanyń ár jerinen 24 kezdeısoq adamdy urlap ketken, sosyn «Ritz Carlton» jáne «Qazaqstan» qonaq úıleriniń parkınginde olardy uryp-soǵyp, ustap otyrǵan. Keıin olardy qalanyń shetine aparyp, UQK qyzmetkerleriniń qarýly kúzetimen konteınerde túnetken. Sosyn olardy áýejaıǵa jetkizgen, sol jerde Ótepbaev azaptaýdan qaıtys bolǵan. Osy faktiler boıynsha tergeýdi aıaqtadyq. Qazir qujattar qaralýda», - dep túsindirdi Bas prokýror.
Vıdeodan alynǵan kadr
