Dıqandarymyz mol astyq jınap, Soltústik Qazaqstannyń negizgi astyqty óńir ekenin dáleldedi - E.Sultanov
ASTANA. QazAqparat - Soltústik Qazaqstan oblysynyń ákimi Erik Sultanov oblys turǵyndaryn Jańa jylmen quttyqtap, óńirdiń jetistikterin, ótken 2015 jyldaǵy mańyzdy oqıǵalardy tizbeleı otyryp, agrarshylarymyz mol astyq jınap, oblysymyzdy respýblıkadaǵy negizgi astyqty óńiri atandyrdy dep atap ótken.
«Qurmetti soltústikqazaqstandyqtar!
Kele jatqan Jańa jyl qutty bolsyn!
Jańa jyl meıramy - qýanyshty qarbalas, týǵan-týysqandarmen, dostarmen rııasyz júzdesýler, shadyman úmit kezeńi. Biz ótip bara jatqan jyldy qorytyndylap, bolashaqqa jospar jasaımyz.
2015 jyl jarqyn oqıǵalarymen este qalyp, mańyzdy memlekettik jobalar men bastamalardy júzege asyrýdyń basy boldy.
Asa mańyzdy saıası oqıǵa - Qazaqstan Respýblıkasy Prezıdentiniń saılaýy ótti. Elbasynyń anyq jeńisi - Ult kóshbasshysy Nursultan Ábishuly Nazarbaevqa halyqtyń kórsetken joǵary seniminiń nátıjesi.
Bul jyl Qazaqstan halqy Assambleıasynyń 20 jyldyǵy, Uly Otan soǵysyndaǵy Jeńistiń 70 jyldyǵy, Qazaq handyǵynyń 550 jyldyǵy, Qazaqstan Konstıtýtsııasynyń 20 jyldyǵy sııaqty mańyzdy tarıhı oqıǵalarmen de este qalady.
Ótip bara jatqan jylda memleketimizdi odan ári damytýdyń aýqymdy baǵdarlamalyq qujaty - Bes ınstıtýttyq reformanyń «100 naqty qadam» Ult josparyn júzege asyrý qolǵa alyndy.
2015 jylǵy 30 qarashada Memleket basshysy N.Á. Nazarbaev is-qımyldyń naqty jospary, eldiń damýynyń aıqyn basymdyqtary kórinis tapqan «Qazaqstan jańa jahandyq naqty ahýalda: ósim, reformalar, damý» atty jyl saıynǵy Joldaýyn Qazaqstan halqyna usyndy.
Ótip bara jatqan jyl Soltústik Qazaqstan oblysy úshin serpindi de jemisti boldy. Kózdegenderimizdiń kópshiligi júzege asyryldy.
Agrarshylarymyz mol astyq jınap, Soltústik Qazaqstan oblysynyń elimizdiń negizgi astyqty óńiri atanýǵa quqyǵyn taǵy da dáleldedi.
Jańa balabaqshalar men mektepter, sport nysandary ashylyp, turǵyn úıler paıdalanýǵa berildi. Óńirimizde Nazarbaev Zııatkerlik mektebi ashyldy, muz aıdyny jáne jeńil atletıka maneji bar Sport saraıy salyndy, Petropavl qalasynyń áýejaıy jańǵyrtyldy. Turǵyn úı-kommýnaldyq jáne jol-kólik ınfraqurylymdaryn jańǵyrtý jóninde kóp jumys atqaryldy. 2015 jyly óńirimizde jańa kásiporyndar paıda boldy, jumys oryndary quryldy.
Qymbatty jerlester!
Barsha soltústikqazaqstandyqtardyń eńbeksúıgishtigi, jaýapkershiligi men týǵan ólkege súıispenshiligi - oblysymyzdyń barlyq jetistikteriniń negizi.
Sizderdi Jańa 2016 jylmen shyn júrekten quttyqtaımyn! Ol ár shańyraqqa baqyt, sáttilik, molshylyq jáne qut-bereke ákelsin!
Meıramdy týǵan-týysqandaryńyz ben jaqyndaryńyzdyń ortasynda shat kóńilmen qarsy alýlaryńyzǵa shyn júrekten tilektespin!
Jańa jylmen!», - delingen oblys ákiminiń quttyqtaýynda.
