Dıqandarǵa dızel zaýyttardan basym negizde jetkizilip otyrady – mınıstr

NUR-SULTAN. QazAqparat – Dıqandarǵa dızel otynyn jetkizý basym negizde júzege asyrylady. Bul týraly Úkimet otyrysynda QR Energetıka mınıstri Bolat Aqsholaqov aıtty, dep habarlaıdy QazAqparat tilshisi.

«Bıyl kúzgi dala jumystaryna 423,5 myń tonna bólindi. Shilde aıynda 106,6 myń tonna jóneltildi, tamyz aıynda 148,2 myń tonna úshin qarajaty tólendi. Aýyl sharýashylyǵy taýaryn óndirýshilerge munaı óńdeý zaýyttarynan dızel otynyn jetkizý basym negizde júzege asyrylady.

Mınıstrlik jóneltimderge turaqty monıtorıng júrgizip otyr. Aýyl sharýashylyǵy taýaryn óndirýshiler úshin baǵa resýrs ustaýshylardyń kelisimi boıynsha 1 tonnasyna 222 myń tenge nemese Qazaqstan munaı óńdeý zaýyttary MÓZ FCA sharttarynda 1 lıtr úshin 184 teńge deńgeıinde anyqtaldy. Jetkizý men saqtaýdy eskere otyryp, aýyl sharýashylyǵy taýaryn óńdirýshiler úshin baǵa bólshek baǵadan óńirge baılanysty 15-25 paıyzǵa tómen», - dedi Bolat Aqsholaqov.