Dıqandar TJ kezinde egis naýqanyn ruqsat etilgen jumystar qataryna engizýdi surady
«Elimizde tótenshe jaǵdaı engizilgeli beri koronavırýs pandemııasyna baılanysty kóktemgi dala jumystaryna qatysty adamdar men tehnıkalardy, azyq-túlikti tasymaldaý boıynsha Aýyl sharýashylyǵy mınıstrligine kóptegen ótinim kelip tústi. Atalǵan máseleni sheshý úshin mınıstrlik oblys ákimderiniń báriniń atyna tıisti hat joldady. Biz ákimderden kóktemgi dala jumystaryn – tótenshe jaǵdaı ýaqytynda ruqsat etilgen jumystardyń qataryna engizýdi ótinip otyrmyz. Sonymen qatar, aımaq basshylarynan kóktemgi dala jumystary kezinde sharýalardy tehnıkamen, tyńaıtqyshtarmen, ósimdikti qorǵaý qurylǵylarymen, munaı ónimderimen qamtamasyz etýdi baqylaýǵa alýdy ótinemiz», - dedi Aıdarbek Saparov onlaın rejımde OKQ-da ótken baspasóz máslıhatynda.
Vıtse-mınıstrdiń aıtýynsha AShM oblys ákimdikterine kóktemgi dala jumystaryn júrgizýdiń biryńǵaı algorıtmin joldaǵan. Ol algorıtm egis naýqanyn ótkizý úshin adamdar men kólikterdiń jeke tizimin daıyndaýdy qarastyrady.
«Sonymen qatar, oblystyq aýyl sharýashylyǵy basqarmalarynyń basshylary men «Atameken» palatasynyń óńirlik fılıalynyń basshylaryn oblystyq shtabtyń quramyna kirgizýdi ótinemiz. Osylaısha egis naýqanyna aralasatyn adamdar men tehnıkalardyń kedergisiz qozǵalysyn qamtamasyz etkimiz keledi», - dedi ol.