Dıqandar tyńaıtqyshqa jumsaıtyn shyǵynnyń 50 paıyzyn memleket kóterip otyr - mınıstr

NUR-SULTAN. QazAqparat – QR Aýyl sharýashylyǵy mınıstri Erbol Qarashókeevtiń málimeti boıynsha, dıqandar mıneraldy tyńaıtqyshtarǵa jumsaǵan shyǵynnyń teń jartysyn memleket ótep beredi, dep habarlaıdy QazAqparat tilshisi.

«Tyńaıtqyshtarǵa keletin bolsaq, oblys ákimdikteriniń derekteri boıynsha bıyl shamamen 670,2 myń tonna tyńaıtqysh sebý josparlanǵan. Bul ótken jylmen salystyrǵanda 43,7 myń tonnaǵa artyq.

7 maýsymdaǵy jaǵdaı boıynsha dıqandarǵa 396,1 myń tonna mıneraldy tyńaıtqysh jóneltildi. Barlyǵy 478,3 myń tonna mıneraldy tyńaıtqyshty tıeý sharttary jasaldy», - dedi vedomstvo basshysy.

Sondaı-aq, ol tuqym shyǵyndaryn sýbsıdııalaý jolǵa qoıylǵanyn atap ótti.

«Bul rette, mıneraldy tyńaıtqyshtardy satyp alýdy sýbsıdııalaýǵa 38,4 mlrd teńge, onyń ishinde respýblıkalyq bıýdjetten qosymsha 11,6 mlrd teńge bólingenin atap ótý qajet. ıAǵnı, satyp alynǵan tyńaıtqyshtar qunynyń 50%-yn memleket óteıdi. Sonymen qatar, Úkimet otandyq tyńaıtqyshtardyń qunyn tómendetý boıynsha jumys júrgizdi», - dedi Erbol Qarashókeev.

Mınıstrliktiń boljamy boıynsha, bıyl astyq shyǵymy byltyrǵydan 15 paıyz joǵary bolady.