Dıhandarǵa arnalǵan arzan dızel kommertsııalyq maqsatta satylǵan – Bas prokýratýra
ASTANA. QazAqparat – Dıhandarǵa arnalǵan arzan dızel kommertsııalyq maqsatta satylǵan. Bul jaıynda Májilis depýtattarynyń saýalyna Bas prokýror Berik Asylovtyń jaýabynda aıtylǵan, dep habarlaıdy QazAqparat tilshisi.
«Prokýratýra organdary aýyl sharýashylyǵy taýarlaryn ódirýshiler úshin kúzgi dala jumystaryna arzandatylǵan otyndy maqsatty paıdalaný boıynsha tekseris is-sharalaryn uıymdastyrdy. Nətıjesinde búgingi kúni ony kommertsııalyq maqsatta paıdalaný faktileri anyqtaldy.
Atap aıtqanda, Aqtóbe oblysynda óńirlik operator – «Batys Jer» JShS óz janar-jaǵar maı quıý stantsııalarynyń jelisi arqyly 2 982 tonna kóleminde jeńildetilgen otyndy satqan. Atalǵan fakti boıynsha Ekonomıkalyq tergeý departamenti Qylmystyq kodekstiń 221-baby boıynsha sotqa deıingi tergep-tekserýdi júrgizýde. Bul jumys jalǵasatyn bolady», - dedi Bas prokýror jaýabynda.
