Dıqandar jeńildetilgen qarjy alýda ákimshilik kedergilerge tap bolmaýy kerek – Premer-mınıstr
ASTANA. KAZINFORM – Dıqandar jeńildetilgen qarjy alýda basy artyq ákimshilik kedergilerge tap bolýǵa tıis emes. Bul týraly Úkimet otyrysynda Premer-mınıstri Oljas Bektenov aıtty.
- Aýyl sharýashylyǵy mınıstrligi ákimdiktermen jáne «Báıterek» holdıngimen birge dıhandardy barynsha qamtı otyryp, ótinimderdi qaraý jáne jeńildetilgen qarjy bólý rásimderin ońtaılandyrsyn. Olar basy artyq ákimshilik kedergilerge tap bolýǵa tıis emes. Barlyq ótinimdi tez ári ashyq túrde qaraý qajet. Sonymen qatar eginshilerdiń qarjy resýrstaryna qoljetimdiligin keńeıtý maqsatynda Aýyl sharýashylyǵy jáne Qarjy mınıstrlikteri Soltústik Qazaqstan oblysynyń tájirıbesin ózge aımaqtarǵa da taratyp, revolverlik qarjylandyrý tetigin qarastyrýy qajet, - dedi Úkimet basshysy.
Premer-mınıstr shegirtkeniń taralý qaýpin eskerti. Osyǵan oraı Aýyl sharýashylyǵy mınıstrligine óńir ákimderimen birge jaǵdaıǵa turaqty monıtorıng júrgizip, zııankesterge qarsy profılaktıkalyq jáne qorǵanys sharalaryn qabyldaýdy tapsyrdy.
- Olardyń taralý boljamdaryn qaıta qarap, shuǵyl áreket etý úshin vedomstvoaralyq úılestirýdi kúsheıtý qajet, - dedi Oljas Bektenov.
Buǵan deıin Premer-mınıstr shegirtkege qarsy hımııalyq óńdeý jumystaryn ýaqytyly bastaýdy tapsyrǵan edi.
