Digital Qazaqstan Awards 2026: Qazaqstanda úzdik tsıfrlyq jobalar anyqtaldy
ShYMKENT. KAZINFORM – Digital Qazaqstan 2026 halyqaralyq tsıfrlyq forýmy aıasynda jasandy ıntellekt pen tsıfrlyq tehnologııalardy damytýǵa baǵyttalǵan ulttyq Digital Qazaqstan Awards syılyǵynyń jeńimpazdary anyqtaldy.
Bıyl baıqaýǵa 345 ótinim qabyldanyp, onyń 162-si fınalǵa ótken. Jeńimpazdar birneshe kezeńnen turatyn irikteý nátıjesinde anyqtaldy: aldymen jobalar jasandy ıntellekt kómegimen saralanyp, keıin sarapshylar alqasynyń sheshimimen bekitildi.
Syılyq kelesi nomınatsııalar boıynsha tabystaldy:
Best AI Government Services – memlekettik qyzmetterdi avtomattandyrý men baqylaýǵa arnalǵan Alaqan tsıfrlyq platformasy. Marapatty Premer-mınıstrdiń orynbasary – Jasandy ıntellekt jáne tsıfrlyq damý mınıstri Jaslan Madıev tabystady.
Best Industrial AI Project – óndiristik qaýipsizdik pen operatsııalyq úderisterdi basqarýǵa arnalǵan Fractal platformasyn usynǵan Aspans jobasy. Syılyqty «Qazaqtelekom» AQ basqarma tóraǵasy Baǵdat Mýsın tapsyrdy.
Regional AI Transformation – óńirlerde bıznes pen bilim berý salasyna jasandy ıntellekt engizý ekojúıesin damytqan Ikigai Promotion jobasy. Marapatty «Alageum Electric» KT dırektorlar keńesiniń tóraǵasy Erkebulan Іlııasov tabystady.
AI for Social Impact – balalardyń psıhoemotsıonaldyq jaǵdaıyn baqylaýǵa arnalǵan «HR+» júıesin jasaǵan Codo jobasy. Syılyqty Ǵylym jáne joǵary bilim vıtse-mınıstri Dınara Şeglova tapsyrdy.
Best AI Startup – agressıvti minez-qulyq belgilerin anyqtaıtyn beıneanalıtıka júıesin ázirlegen Protector AI startapy. Marapatty Freedom Holding Corp. bas atqarýshy dırektory Tımýr Týrlov tabystady.
Aıta keteıik, 27 naýryzda Shymkent qalasynda Digital Qazaqstan 2026 forýmy ótip jatyr. Bıylǵy taqyryp – «Industry 5.0: Yntymaqtastyq qýaty».
Forýmdy QR Jasandy ıntellekt jáne tsıfrlyq damý mınıstrligi, Shymkent qalasynyń ákimdigi jáne Astana Hub halyqaralyq ınnovatsııalyq klasteri uıymdastyrdy.
Eske salaıyq, Halyqaralyq jasandy ıntellekt olımpıadasy alǵash ret Qazaqstanda ótetini habarlandy.