«Digital Bridge» úlken baılanystar jasalatyn alańǵa aınalady- Premer-Mınıstr
Forýmnyń tsıfrlyq ekonomıkany damytýdyń jahandyq trendteri talqylanǵan jalpy otyrysyna elimizge resmı saparmen kelgen Estonııanyń Premer-Mınıstri ıÝrı Ratas ta qatysýda. Shara birden moderatordyń Qazaqstan Úkimet basshysyna saýalymen bastaldy.
«Tańerteńnen beri Estonııanyń Premer-Mınıstrimen kelissózder ótkizdik. Ol menen Premer-Mınıstr retinde Parlamentke qanshalyqty jıi baratynymdy surady. Estonııa Premer-Mınıstri Parlamentke jıi baratyndyǵyn jáne kezdesý birden suraqtarmen bastalatyndyǵyn aıtty. Biz de myna jerge otyryp úlgermesten moderatordyń saýaldaryna jaýap berýden birden bastamaqpyz», - dedi ázildedi Baqytjan Saǵyntaev.
Onyń aıtýynsha, búgingi sharany ótkizýdegi basty maqsat -Astana alańynda Eýropa men Azııanyń arasyn jalǵaıtyn vırtýaldy kópir qurý.
«Búgin Astanaǵa kóptegen elden delegatsııa keldi. Estonııa Premer-Mınıstriniń de osynda bolýy bizdiń maqsatymyzdyń júzege asa bastaǵandyǵyn bildiretin sııaqty», - dedi QR Úkimet basshysy.
Osy oraıda, Premer-Mınıstr halyqaralyq forýmǵa kóptegen kompanııanyń kelgendigin jáne olardyń bir-birimen baılanys ornata bastaǵandyǵyn atap ótti. Sonymen qatar, onyń negizgi maqsat ekendigin de eske saldy.
«Álem jyldam ózgerede jáne búginde baılanystar tabý úshin bir-birimizge jıi barýymyz qajet. Baılanysty Internettiń kómegimen de ornatýǵa, ózińniń pikirińmen bólisýge múmkindik bar. Sondyqtan, bul forým bolashaqta óz jalǵasyn taýyp, jyl saıyn keńeıe túsedi dep oılaımyz. Bul úlken baılanystar jasalatyn alańǵa aınalady», - dedi Baqytjan Saǵyntaev.
Aıta keteıik, Digital Bridge - Qazaqstandaǵy bıylǵy jyly ótip otyrǵan basty ınnovatsııalyq oqıǵa.
Qatysýshylar forýmnyń dıalogtik alańynda tsıfrlandyrý salasyndaǵy sońǵy álemdik trendterdi talqylap, aldyńǵy qatarly tájirıbelermen jáne bıznes-modeldermen bólisedi. Forýmǵa halyqaralyq ІT-qoǵamdastyǵynyń negizgi ókilderi, tehnologııa salasyndaǵy tanylǵan sarapshylar, kásiporyn basshylary, tehnologııalyq kásipkerler, sondaı-aq birqatar eldiń memlekettik sektorlarynyń ókilderi, ǵalymdar, tsıfrlyq ázirlemeler salasynyń mamandary, venchýrlyq ınvestorlar qatysýda.
