Digital Bridge-2022 tehnologııalyq forýmyna Túrki uıymynyń músheleri qatysyp otyr

ASTANA. QazAqparat – «Digital Bridge 2022» tehnologııalyq forýmyna Túrki uıymynyń músheleri qatysyp jatyr. Bul týraly QR Prezıdenti Qasym-Jomart Toqaev forýmnyń ashylýynda aıtty, dep habarlaıdy QazAqparat tilshisi.

«Tórt jyldyń ishinde bul forým osy aýmaqtaǵy aýqymdy ári óńirlik alańǵa aınaldy. Forýmnyń aıasy jyl saıyn keńeıip, jańa elder, jańa kompanııalar qosylýda. Bul, árıne, qýantarlyq jaǵdaı. Men myna bir máselege arnaıy toqtalǵym kelip otyr. Túrki memleketteri uıymynyń VIII sammıtinde men túrki elderiniń ІT salasynda jumys istep otyrǵan kompanııalardyń ózara tıimdi baılanysyn nyǵaıtý úshin Qazaqstanǵa shaqyrdym. Búgin osy bastamanyń iske asyp otyrǵanyn erekshe atap ótkim keledi», - dedi Prezıdent.

Sondaı-aq, Qasym-Jomart Toqaev forýmnyń taqyryby Qazaqstannyń tsıfrlyq tehnologııalar naryǵyndaǵy strategııasymen sáıkesetenin atap ótti.

«Forýmnyń taqyryby – «Ortalyq Eýrazııa – jańa tehnologııalyq platforma». ıAǵnı, bizdiń aımaqtyń keń aýqymdy damý perspektıvalaryn kórsetedi», - dedi Qasym-Jomart Toqaev.

Foto: t.me/bort_01