Digital Almaty Awards 2023 forýmynyń jeńimpazdary marapattaldy
Jeńimpazdardy marapattaý rásimi EAEO-ǵa qatysýshy elderdiń úkimet basshylarynyń jalpy otyrysy aıasynda ótti.
Forým barysynda EdTech nomınatsııasynyń jeńimpazy Daryn proektline jobasy boldy. Jeńimpazǵa marapatty Armenııa premer-mınıstri Nıkol Pashınıan tapsyrdy.
MedTech nomınatsııasy boıynsha cerebra jobasy úzdik tanyldy. Jobany Belarýs Premer-mınıstri Roman Golovchenko marapattady.
FinTech nomınatsııasynyń jeńimpazy Solva boldy. Jeńimpazdy Qyrǵyzstan Prezıdenti ákimshiliginiń basshysy Aqylbek Japarov marapattady.
Jyldyń úzdik CDO (Chief Digital Officer) nomınatsııasy QR Eńbek jáne halyqty áleýmettik qorǵaý vıtse-mınıstri Erbol Ospanovqa berildi. Marapatty Reseı úkimetiniń tóraǵasy Mıhaıl Mıshýstın tapsyrdy.
Venture capitalist nomınatsııasynyń jeńimpazy Most Ventures jobasy boldy. Jeńimpazǵa syılyqty Eýrazııalyq ekonomıkalyq komıssııa alqasynyń tóraǵasy Mıhaıl Mıasnıkovıchtiń tabystady.
E-Commerce nomınatsııasy boıynsha Flip.kz úzdik boldy. Jeńimpazdy Ózbekstan Premer-Mınıstri Abdýlla Arıpov marapattady.
Ásem Nurǵalıeva woman in Tech nomınatsııasynda úzdik atandy. Jeńimpazdy Qazaqstan premer-mınıstri Álıhan Smaıylov marapattady.
Forýmdy uıymdastyrýshylardyń aıtýynsha, Digital Almaty Awards syılyǵy Digital Almaty halyqaraly tsıfrlyq forýmy aıasynda jyl saıyn, dástúrli túrde beriletin marapatqa aınaldy. Syılyq alǵash ret 2020 jyly «Digital Almaty: jahandyq ekonomıkanyń
tsıfrlyq bolashaǵy» forýmynda tabys etildi.
Onda 10 tsıfrlyq joba usynyldy, onyń 8-i «it-chempıondar» sanatyndaǵy Qazaqstannyń úzdik IT-kompanııalarynyń ónimderi jáne 2 joba Astana Hub brendimen startaptar bolyp tabylady.
Foto Digital Almaty Awards 2023 forýmynyń baspasóz qyzmetinen