Digital Almaty: Almatyda forým kezinde kólik qozǵalysy ishinara shekteledi

ALMATY. KAZINFORM – Almaty qalasynyń polıtsııa departamenti 30-31 qańtarda ótetin halyqaralyq is-sharalar kezinde kólik qozǵalysyna ishinara shekteýler qoıylatynyn habarlady.

Polıtsııa málimetinshe, kelesi ýchaskeler boıynsha kólik qozǵalysyna túzetýler engizilýi múmkin: Maılın kóshesi, Qulja tas joly, Buqtyrma kóshesi, Shyǵys avtomobıl aınalma joly, Ál-Farabı dańǵyly, Seıfýllın dańǵyly, Dostyq dańǵyly, Jarokov kóshesi.

- Almaty polıtsııasy azamattardy ýaqytsha sharalarǵa túsinistikpen qaraýǵa jáne keptelisterdi boldyrmaý úshin baǵyttaryn aldyn ala retteýge shaqyrady, - dep habarlady qalalyq Polıtsııa departamentiniń baspasóz qyzmeti.

Eske salaıyq, Almaty 31 qańtar jáne 1 aqpan kúnderi Digital Almaty halyqaralyq forýmy ótedi.

Byltyr Digital Almaty forýmynda otandyq tsıfrlyq noý-haý jetistikteri tanystyrylǵan bolatyn.