Digital Almaty 2021: 6 eldiń úkimet basshylaryna eGov mobile qosymshasy kórsetildi
Tsıfrlyq transformatsııa strategııasy men IT-tendentsııalar talqylanatyn «Digital Almaty 2021: «Tsıfrlyq qaıta jańǵyrý: jańa jaǵdaıǵa» halyqaralyq forýmynda «Ulttyq aqparattyq tehnologııalar» AQ QR Premer-Mınıstri Asqar Mamın jáne Reseı, Armenııa, Belarýs, Qyrǵyzstan jáne Ózbekstan sııaqty elderdiń úkimet basshylary, sondaı-aq forýmnyń basqa qatysýshylary men qonaqtaryna eGov mobile mobıldik qosymshasynyń jańa múmkindikterin kórsetti.
«Ulttyq aqparattyq tehnologııalar» AQ Basqarma Tóraǵasynyń m.a. Dıas Qadyrov óziniń mysalynda bıometrııalyq sáıkestendirýdi qoldana otyryp, eGov mobile-da jańa jáne zamanaýı tirkeý protsesin kórsetti. Sondaı-aq, ol onlaın-qyzmetterdi alý jáne tsıfrlyq qujattardy paıdalaný joldaryn kórsetti.
«Eger buryn elektrondy memlekettik qyzmetterdi alý úshin qazaqstandyqtar halyqqa qyzmet kórsetý ortalyǵyna kelip, kezekke turyp, flesh-dıskke ETsQ alýy kerek bolsa, endi barlyq tirkeý protsesi eki-aq mınýtty alady jáne tek smartfondy qajet etedi. Qosymshaǵa tirkelý arqyly qazaqstandyqtar elektrondyq úkimettiń eń tanymal 90-ǵa jýyq qyzmetteri men servısterine qol jetkize alady», - dedi Dıas Qadyrov.
«Digital Almaty 2021» forýmynyń tsıfrlyq jobalar kórmesinde eGovMobile-dan basqa Almaty ákimdiginiń, Qazaqtelekomnyń jáne Kaspi.kz jobalary usynylǵan.
Forýmǵa qatysýshylar densaýlyq saqtaý men bilim berýdi tsıfrlyq transformatsııalaý, AT ekojúıesi jáne venchýrlyq kapıtal, aqparattyq qaýipsizdik, GovTech jáne sýper qyzmetter, Indýstrııa 4.0 jáne basqa da taqyryptar boıynsha paneldik sessııalarǵa qatysa alady. Forým gıbrıdti formatta - offlaın rejıminde jáne myna silteme boıynsha onlaın ótedi.