Dıetologtar: Júzim men apelsın semizdikten qorǵaıdy
ASTANA. QazAqparat - Tamaqtanǵanda júzim men apelsındi paıdalaný semizdikten, dıabet pen júrek-qan tamyr aýrýlarynan qorǵaıdy, dep málimdedi brıtanııalyq ǵalymdar.
Júzimde trans-resveratrol (Tres), al apelsınderdiń quramynda - gesperetın (HESP) bar. Bul qosyndylar qandaǵy glıýkoza deńgeıiniń tómendeýine yqpaldasyp, ınsýlınge degen sezimtaldylyqty arttyrýǵa jáne arterııa jaǵdaıyn jaqsartýǵa kómektesedi.
Atalǵan qosyndylardyń áseri 18 ben 80 jas aralyǵyndaǵy artyq salmaqtan zardap shegetin 32 erikti qatysqan tájirıbe kezinde anyqtaldy. Trans-resveratrol men gesperın aǵzada qanttyń zııanyn joıatyn Glo1 dep atalatyn aqýyzdyń kóbeıýine yqpaldasady, dep jazady sheteldik BAQ.
