Dıetologtar: Salmaǵyn túsirmek bolǵan adamdarǵa súıikti taǵamdaryn jeýge bolmaıdy
ASTANA. QazAqparat - Dıýk ýnıversıtetiniń zertteýshileri emdám mázirinde súıikti taǵamdar bolmaýy tıis dep sendiredi. Olardy ratsıonǵa qosqan adam salmaq qosyp alýy ábden múmkin.
Bul týraly Rosbalt jazady.
48 aptaǵa sozylǵan jańa zertteýge 207 erikti qatysqan, dep jazady Meddaily . 105 qatysýshyǵa tómen kómirsýtekti jáne úlesi az emdámdi tańdaý usynyldy. Olardyń 58 paıyzy emdámniń birinshi túrin ustaýdy, qalǵandary ekinshi nusqany tańdady. Budan basqa, bul eriktiler 12 aptadan keıin emdámdi aýystyryp aldy. Qalǵan 102 qatysýshyǵa mamandar emdámderdi ózderi tańdap berdi. 52 paıyzyna tómen kómirsýtekti emdámdi, qalǵan 48 paıyzǵa - maı úlesi az emdám ustanýyn surady.
Mamandar emdám túrin ózderi tańdaǵan adamdar ony qatań ustanyp, emdám tańdap berilgenderge qaraǵanda kóbirek salmaqtaryn arylady dep paıymdady. Eki toptyń qatysýshylary da toptyq keńesterge qatysyp, mamandarmen telefon arqyly habarlasyp turǵan, kitaptardy jáne ózge de materıaldardy paıdalanǵan. Osynyń barlyǵy olarǵa emdámdi ustap turýǵa kómektesti.
Zertteýdiń sońyna qaraı emdám túrin ózderi tańdaǵan eriktiler ortasha eseppen alǵanda 5,7 keliden arylǵan. Emdámdi zertteýshiler tańdap bergender shamamen 6,7 keli tastaǵan. Aldyńǵy zertteýler eger durys ustasa, eki emdámniń da tıimdi ekenin kórsetti. Alaıda emdám kezinde ózi unatpaıtyn taǵamdardy jeıtin adamǵa artyq salmaqtan arylý ońaılaý. Al adamdar ózderi unatatyn tamaqtardy kóbirek jeýge áýes.
