Dıetologtar oraza aıynda qazy-qartadan bas tartyp, talqan jeýge keńes beredi
ASTANA. QazAqparat - Almatylyq dıetologtar aýyz bekitken jamaǵatqa súrlengen qazy, jal-jaıadan bas tartyp, talqan tutynýǵa keńes beredi. Olardyń aıtýynsha tary, arpa, kúrish, júgeriden jasalǵan ulttyq taǵam óte qunarly ári shóldi basatyn qasıeti de bar. Sondyqtan bolar, talqan túıip, ony satatyn ájelerimizdiń ramazan aıynda saýdasy qyzyp-aq tur, dep jazady 7-arna tilshisi.
Taǵamtaný salasynyń mamandary qasıetti ramazan aıynda qýyrylǵan, tuzdalǵan, qaqtalǵan jáne maıly etten jasalǵan asty iship-jeýdi shekteýge shaqyrady. Ystyqta bul taǵamdar shóldetedi ári ter arqyly kisiniń aǵzasy tuzdar men qunarly zattardy joǵaltady. Sondyqtan aptap ystyqta aýyz bekitkenderge kádimgi talqanǵa úıir bolýǵa úgitteıdi. «Talqandy múmkindiginshe aıranmen qaryp, sútpen, maımen qoımaljyń etip jeıtin bolsa, uzaq ashtyqty jeńýge kúsh beredi», - deıdi Ulttyq taǵamtaný ortalyǵynyń departament jetekshisi Aıgúl Naǵashybekqyzy. Ótken ǵasyrdyń 80-jyldary Keńes Odaǵynyń dıetologtary da qazaqtyń talqanyn zerttegen. Onyń quramynan kaltsıı, myrysh,temir, kalıı sııaqty qunarly dárýmender anyqtalady. Taǵy birneshe dertke shıpasy da bar. Mamandar «oraza aıynda talqan jeseńiz taryqpaısyz» dep sendiredi.
