Dıetologtar: Qantty tutynýdan birjola bas tartý - qaýipti
ASTANA. QazAqparat - Qant salmaq qosady, qartaıýdy jyldamdatady jáne t.b. zııandary bar. Alaıda qanttan tolyqtaı bas tartýǵa bolmaıdy deıdi dárigerler.
Qantty múldem paıdalanbaý qaýipti, ol kókónisterde, jemisterde, sút ónimderinde, jumyrtqa, jańǵaqtarda bar. Munyń bári paıdaly ónimder. Budan bas tartý mańyzdy dárýmenderden aıyrady.
Sondyqtan «paleolıttik dıeta» kóptegen suraqtar týyndatady, dedi Meddaily. Onyń negizi - quramynda qanty joq et, jemis-jıdek.
Mamandar mundaı tásilge, gormondarǵa áser etý arqyly artyq salmaqtan aryltýǵa ýáde beretin dıetaǵa da qarsy pikir bildirýde.
Sondaı-aq dıetologtar tamaqty almastyratyn kokteıldermen de áýestenbeýdi eskertedi.
Balshyq dıetasy da qaýipti, ony ustanatyndar ýly zattardy shyǵarý, ımmýnıtetti nyǵaıtý jáne qyshqyldyq teńgerimin saqtaý úshin kúnine bir qasyq balshyq jeý qajet deıdi. Alaıda balshyq ishti qatyrady, tipti ýlandyrýy múmkin.
