Dıetologtar: Ashyǵý semirý qaýpin arttyrady
ASTANA. QazAqparat - Ogaıo ýnıversıtetiniń (AQSh) professory Marta Belýrı aryqtaý úshin tamaqtanbaý - artyq salmaqtan arylýdyń eń jaqsy ádisi emes ekenin anyqtady. Kerisinshe, osyndaı ádis artyq salmaqtyń paıda bolýyna ákelip, semirý qaýpin jáne 2-shi tıpti sýsamyr men júrek-qantamyr aýrýlarynyń qaýpin arttyra túsedi.
Adamnyń mıy ashyǵý kezeńderin maı jınaý belgisi retinde qabyldaıdy, dep jazady Kedem portaly. Metabolızm baıaýlap, baýyr jasýshalary qantty ydyratýǵa qajetti ınsýlın gormonynyń áseri toqtaıdy, kelesi tamaqtanǵanda azyqtyń quramyndaǵy qant birte-birte maıǵa ózgeredi. Maı bolsa, dene músinin ózgertip qana qoımaı, kóptegen organdardyń jumysyna keri áserin tıgizedi.
Tyshqandarǵa jasaǵan zertteýler kúnine bir ret kalorııasy tómen tamaq ishken kezde janýarlar basynda salmaq tastaǵanyn, biraq birneshe ret tamaqtanǵannan keıin odan da kóp salmaq jınaǵanyn kórsetti. Budan basqa, olardyń boıynda sýsamyr qaýpin arttyratyn eń qaýipti maılar jınaldy.
Ǵalymdar qandaı jaǵdaı bolmasyn, kúnine birneshe ret az portsııamen tamaqtanýdy keńes etedi.
