Dıetologtar aǵzaǵa zııan TOP-10 tańǵy asty atady
ASTANA. QazAqparat - Tańǵy astyń sharapaty kóp ekeni bárimizge málim. Biraq tańda ishken tamaqtyń bári aǵzaǵa qonymdy bola bermeıdi. Dıetologtar solardyń ishindegi eń zııan 10 taǵamdy atady.
1. Eritilgen irimshik. Mundaı irimshik suryptalmaǵan qatty irimshikten jasalady. Ol óńdeýge túskende barlyq paıdaly zattarynan aıyrylady. Esesine artyq maılary kóbeıedi.
2. Keptirilgen nan men chıpsy. Onda hımııalyq qospalar men kúmándi maılar kóp.
3. Shetelden ákelingen jemister. Mundaı jemister jetetin jerine jetkennen keıin tez pisý úshin hımııalyq zattarmen óńdeledi.
4. Tátti daıyn irimshik. Mundaı irimshikterde ádette ósimdik maılary, qant, qoıýlatqysh zattar men aromatızatorlar kóp bolady.
5. Bazardan satyp alynǵan keptirilgen jemister. Olar da hımııalyq zattarmen óńdeledi. Sondyqtan úıde ózińiz keptirip alǵan jón.
6. Kolbasa ónimderi. Bul taǵamnyń zııandylyǵyn dıetologtar kóp jyldan beri qaqsap keledi.
7. Jartylaı daıyn astar. Olardyń negizgi quramy - krahmal, qant jáne jasandy vıtamınder.
8. Tez daıyndalatyn botqa. Zaýyttaǵy termoóńdeýden keıin dándi daqyldar qunarlylyǵynan aıyrylady.
9. Mıýslı. Quramyndaǵy dámdeýishter, keptirilgen jemister men aromatızatorlar kúmán týdyrady.
10. Pakettegi shyryndar. Qoıyltylǵan shyryndy qaıta qalpyna keltirý arqyly jasalady.
