Dıego Maradona Argentınanyń fýtbol quramasynyń bas jattyqtyrýshylyǵynan ketti
ASTANA. Shildeniń 28-i. QazAqparat -Dıego Maradona Argentınanyń fýtbol quramasynyń bas jattyqtyrýshylyǵynan ketti. Argentınanyń Fýtbol qaýymdastyǵynyń Atqarýshy komıteti onymen kelisimshartty uzartpaý týraly sheshim qabyldady, dep habarlaıdy RSN agenttigi.
«Maradonanyń kezeńi aıaqtaldy, biraq oǵan bizdiń úıimizdiń esikteri árqashan ashyq», - dep málim etti qaýymdastyq ókili.
Quramanyń endi burynǵy bas jattyqtyrýshysy atanyp otyrǵan Maradona dúısenbi kúni Argentına Fýtbol qaýymdastyǵynyń prezıdentimen kezdesip, eki saǵatqa sozylǵan áńgime barysynda ótken álem chempıonatynda sátsizdikke ushyraǵan quramanyń jetekshiligindegi jumysty jalǵastyrýdyń múmkindigin talqylaǵan bolatyn.
Maradonanyń tóńiregindegilerdiń aıtýysha, ol óz assıstentteriniń arasynda aýystyrýlar júrgizý týraly usynyspen kelispegen. Buǵan deıin de Maradona, eger barlyq kómekshileri óz oryndarynda qalsa ǵana, jattyqtyrýshylyqta qalatynyn málim etken edi.
Esterińizge sala keteıik, Ońtústik Afrıkada álem chempıonatynyń shırek fınalynda Argentına quramasy nemisterden 0:4 esebimen oısyraı jeńilgen bolatyn.
