Dıego Forlan fýtboldan ótken álem chempıonaty - 2010-nyń eń úzdik oıynshysy dep tanyldy
ASTANA. Shildeniń 12-si. QazAqparat - Ýrýgvaı quramasynyń oıynshysy jáne madrıdtik «Atletıkonyń» forvardy Dıego Forlan fýtboldan ótken álem chempıonaty - 2010-nyń eń úzdik oıynshysy dep tanyldy. Bul jóninde FIFA saıtynda aıtyldy, dep habarlaıdy Lenta.Rý.
Chempıonatta Ýrýgvaı quramasynda oınaǵan Dıego Forlan barlyǵy bes gol saldy, onyń bireýi Germanııa quramasymen kezdesý kezinde jáne OAR quramasymen oınaǵanda eki goldyń avtory atandy.
Eń úzdik oıynshylar qatarynda buǵan deıin ıspandyqtar Andres Inesta, Havı jáne Davı Vılıa, gollandyqtar Veslı Sneıder jáne Aren Robben, nemister Bastıan Shvaınshtaıger jáne Mesýt Ýzdıl, argentındik Lıonel Messı, Gana quramasynyń oıynshysy Asamoa Gıandardyń esimderi atalynyp keldi.
«Altyn býtsyǵa» úmitkerler Veslı Sneıder, Davıd Vıl jáne Tomas Mıýllerdiń qatarynda Forlannyń esimi atalǵany ras, biraq bul ataq Mıýllerge buıyrdy, sondaı-aq ol, chempıonattyń eń úzdik jas oıynshysy atandy.
Pleı-off barysynda Ispanııa quramasynyń qaqpashysy Iker Kasılıas «Altyn qolǵap» ıesi atandy.
Esterińizge sala keteıik, 2010 jylǵy álem chempıonatynyń fınalyna shyqqan Ispanııa quramasy shildeniń 11-inde Nıderlandyny 1:0 esebimen jeńip, tuńǵysh ret álem chempıony atandy.
