Dıdar Smaǵulov AQSh-tyń sybaılas jemqorlyqqa qarsy halyqaralyq marapatyna ıe boldy
ASTANA. KAZINFORM – Ádildik joly respýblıkalyq qoǵamdyq birlestigi atqarýshy dırektory, sybaılas jemqorlyqpen kúresýshi qoǵam belsendisi Dıdar Smaǵulov «Anti-Corruption Champions Awards 2024» halyqaralyq syılyǵynyń jeńimpazy atandy.
AQSh Memlekettik departamenti beretin marapatty otandasymyz atalmysh eldiń memlekettik hatshysy Entonı Blınkenniń qolynan aldy.
- Maǵan AQSh memlekettik departamenti sybaılas jemqorlyqqa qarsy turý salasyndaǵy jetistikter úshin beretin joǵary halyqaralyq syılyqtyń nomınanty atanǵan 10 adamnyń biri bolý qurmeti buıyrdy, - dep jazdy jazdy ol Facebook paraqshasynda.
Aıtýynsha, oǵan bul syılyq Qazaqstandaǵy sybaılas jemqorlyqtyń deńgeıin tómendetý baǵytynda tıimdi júıelik reformalar engizýdegi jáne jemqorlyqqa boı aldyrǵan tulǵalardy jaýapqa tartýdaǵy jumysy úshin berilgen.
- Marapatty tabystaǵannan keıin Qazaqstannyń AQSh-taǵy Elshisi qabyldady. Osylaısha alǵashqy quttyqtaýdy óz elimniń «aýmaǵynda» aldym. Memleketimizdiń sybaılas jemqorlyqqa qarsy júrgizip jatqan reformalaryn álemdik derjava joǵary baǵalap jatqany, ásirese, ol iske ózimniń de qatysym bar ekeni qýantady, - dep jazdy Dıdar Smaǵulov.
Osyǵan deıin Almaty oblysynyń sybaılas jemqorlyqpen kúres qyzmeti júzdegen balaǵa syılyq tabystaǵany týraly jazdyq.