Dıdar Sydyqbek «Taraz» fýtbol klýbynyń dırektory bolyp taǵaıyndaldy

ASTANA. KAZINFORM — Qazaqstandyq maman Dıdar Sydyqbek «Taraz» fýtbol klýbynyń dırektory qyzmetine taǵaıyndaldy. 

Sydyqbek Dıdar Baqytbekuly 1993 jyly Almaty qalasynda dúnıege kelgen. Kásipqoı deńgeıde fýtbolshy retinde ár jyldary «Qyzyljar», «Astana-1964», «Aqtóbe», «Ordabasy» sekildi komandalarda oınady. Qazaqstan jasóspirimder (U-17, U-19) jáne Qazaqstan jastar (U-21) quramalarynyń jeıdesin kıdi.

2012 jyly Qazaqstan kásipqoı birinshi lıgasynyń úzdik jas fýtbolshysy atandy.

Sporttyq mansabyn aıaqtaǵan soń túrli salada qyzmet atqardy. Fýtbol fýntsıoneri jolyndaǵy alǵashqy qadamyn «SD Family» dırektory retinde bastap, jeke klýb, stadıon jáne balalar akademııasyn ashty. Sondaı-aq Qazaqstan medıa fýtbol federatsııasynyń negizin qalady.

QFF júrgizgen «Alań» ınfraqurylymdyq jobasynyń keńesshisi retinde eńbek etti. 

2025 jyly «Atyraý» fýtbol klýbynyń bas menedjeri qyzmetin atqardy. Onyń basshylyǵymen komanda Qazaqstan Premer-lıgasyndaǵy ornyn saqtap qaldy.

Eske salsaq, budan buryn Andreı Demchenko «Jeńis» fýtbol klýbynyń bas bapkeri qyzmetinen ketti.