Dıdar Amantaıdyń bes tomdyq shyǵarmalar jınaǵy jaryq kóredi
ATY. 23 qarasha. QazAqparat /Názıra Eleýhan/ - Almatyda kınodramatýrg, jazýshy Dıdar Amantaıdyń "Qaraqaraly basynda" atty kitabynyń tusaýkeseri bolyp ótti. Bul qalamgerdiń bes tomdyq jınaǵynyń alǵashqy kitaby.
Kitapqa "Gúlder men kitaptar" romany, "Men sizdi saǵynyp júrmin" povesi, sonymen qatar 17 novelladan turatyn "Post Scriptum" áńgimeler jınaǵy jáne óz aldyna derbes, ár túrli taqyrypta jazylǵan jıyrma áńgimesi, fılosofııalyq esseleri men óleńderi engen. Kitap 5000 danamen jaryq kórdi. 
"Men aldaǵy ár jylda shyǵarmalarymdy bir-bir tomnan shyǵaryp otyrýdy kózdep otyrmyn. Ekinshi kitabym kelesi jyly kúzde shyǵady. Bul kitapqa 20 jyl boıy jazylǵan týyndylarym enedi. Bul meniń oqyrman qaýym aldyndaǵy esebim. Qazirgi tańda osy kitap orys, nemis, túrik, arab, aǵylshyn jáne káris tilderine tárjimálanyp jatyr",-dedi kitaptyń avtory Dıdar Amantaı. Onyń aıtýynsha, kelesi jyly memleket jáne qoǵam qaıratkeri, aqyn Oljas Súleımenov bir roman, bir povest jáne 15 áńgimeden turatyn frantsýz tilindegi kitabyn Parıj qalasynda jaryqqa shyǵarýǵa yqpal etpek. Búginde Dıdar Amantaıdyń birshama shyǵarmalary qytaı tiline de aýdarylyp jatyr.
Ádebıet synshysy Álııa Bópejanovanyń aıtýynsha, Dıdar Amantaı óte ónimdi eńbek etip júrgen jazýshy. "Mine, 5 tomdyq shyǵarmalar jınaǵyn shyǵaryp jatyr. Alǵashqy tomynan-aq, óz qoltańbasyn bildirip otyr. Dıdar búginde óz býynynyń kóshbasshysy. Osy býyn ókilderi ádebıetke jańa kórkemdik, tyń sezimder, jańa kórkemdik estetıkalyq ádister alyp keldi", - dedi ol. Onyń aıtýynsha, avtor kez kelgen týyndysynda qaharman minez -qulqyn qımyl- áreketti, pálsapalyq oıy jáne dıalogtary arqyly jan-jaqty ashyp sýretteýge talpynǵan. "Kitaptyń tili shuraıly, boıaýy qanyq, oqıǵalary qyzyqty jazylǵan",- dep atap ótti Álııa Bópejanova.
