Dıas Jırenbaev álem chempıonatynda debıýt jasady

ASTANA.KAZINFORM - Chehııa astanasy Pragada mánerlep syrǵanaýdan erler qysqa baǵdarlamada saıysqa tústi.

Qazaqstan atynan 22 jastaǵy Dıas Jırenbaev alǵash ret jahandyq dodaǵa qatysyp, 59.34 upaı jınady. Osylaısha otandasymyz jarys jolyn aıaqtady.

Aıta keteıik, Mılan Olımpıadasynyń chempıony Mıhaıl Shaıdorov bıylǵy álem chempıonatyna qatyspaýǵa sheshim qabyldaǵan.

Qysqa baǵdarlamanyń qorytyndysy:

1-oryn. Ilıa Malının (AQSh) - 111.29 upaı

2-oryn. Adam Sıao Hım Fa (Frantsııa) - 101.85 upaı

3-oryn. Aleksandr Selevko (Estonııa) - 96.49 upaı

Endi erteń, 27 naýryz kúni áıelder básekesinde Sofıa Samodelkına sheshýshi erkin baǵdarlamada óner kórsetedi.

Aıta ketelik Sofıa Samodelkına álem chempıonatynyń erkin baǵdarlamasyna joldama alǵan edi.