Dıas Ahmetshárip koronavırýs juqtyrǵan adamdardy úıden alyp ketý jaǵdaılaryn túsindirdi
«1a» sanaty jatqyzylǵan elden ushyp kelgen adamdar ushaqtan túsken betten birden statsıonarlyq karantınge jetkiziledi. Oǵan arnaıy mamandarymyz bar, birden ushaqtan avtobýspen aýrýhanaǵa aparady. Al 1 «B»sanatynan kelgen qazaqstandyqtar úıde oqshaýlanýy kerek. Olar kóp jaǵdaıda úıde oqshaýlanbaıdy. Biz olardy tártipke shaqyryp otyrmyz, úıde jatýy kerek«, - dedi resmı ókil «Qazaqstan« telearnasyndaǵy «Ashyq alań« baǵdarlamasynda.
Osy rette Dıas Ahmetshárip koronavırýs juqtyrǵan adamdardy úıden alyp ketý jaǵdaılaryn túsindirip berdi.
»1b«sanatynan kelgen bir adamnan vırýs tabyldy. Onymen jaqyn qarym-qatynasta bolǵan azamattardy anyqtadyq. Olar úılerinde. Biz endi olardy statsıonarǵa ákelip jatqyzýymyz kerek. Óıtkeni, vırýs juqtyryp alýy múmkin. Kóp jaǵdaıda olar «biz aýyrǵan joqpyz, jaǵdaıymyz jaqsy. Dene qyzýym, jótel joq« dep barmaı qoıady. Biraq, biz tekserýge mindettemiz. Koronavırýs adam boıynan 14 kúnniń ishinde belgili bolady. Osy ýaqyttyń ishinde belgisi bolmasa, onda vırýs joq degen sóz. Ol 10-shy kúnde shyǵýy múmkin. Búgin anyqtalǵan 1998 jylǵy qyzdan vırýs belgisi 7 kúnnen keıin anyqtalyp otyr. 10-y kúni ushyp keldi, aman-esen júrdi. Qasyndaǵylardyń bárin taptyq. Osy 7 kún boıy týystarynyń úıinde bolǵan eken. Bárin karantınge japtyq», dedi ol.