Dıana Jumaǵulova Azııa chempıonatynda tórtinshi medalin jeńip aldy

ASTANA. KAZINFORM – Fılıppınniń Nıý-Klark-Sıtı qalasynda sý sporty túrlerinen ótip jatqan XI Azııa chempıonatynda Qazaqstan quramasynyń sportshysy Dıana Jumaǵulova  tórtinshi medalin jeńip aldy. 

Naqtyraq aıtsaq, búgin otandasymyz 7 metr tuǵyrdan sekirýde kúmis júldege qol jetkizdi. 

Buǵan deıin 19 jastaǵy atlet jekeleı synda qola, Anabella Kochkınamen birge juptyq saıysta altyn jáne kúmis júlde ıelengen bolatyn.

Búgin otandasymyz tórtinshi júldesine qanjyǵaǵa baılady.

Sýǵa sekirý. Qyzdar. A toby. 7 metr tuǵyr:

Japonııa sportshysy – 332.75 upaı

Dıana Jumaǵulova – 255.35 upaı

Vetnam sportshysy – 254.15 upaı. 

Esterińizge sala keteıik, keshe sý sporty túrleriniń júzý túrinen báseke aıaqtalǵan bolatyn. Sý sportynyń bul túrinen Qazaqstan quramasy 20 altyn, 11 kúmis, 5 qola júldemen jalpykomandalyq esepte ekinshi orynǵa ıe bolyp, tarıhı jetistikke jetkenin jazǵan bolatynbyz.