Dıana Tasjanova júzýden Azııa oıyndarynyń fınalyna shyqty

Hanchjoýda ótip jatqan 2022 jylǵy Azııa oıyndarynyń júzýden irikteý saıystaryna qazaqstandyq sportshylar Ksenııa Ignatova, Dıana Tasjanova men Sofıa Spodarenko qatysty, dep habarlaıdy QazAqparat HOK resmı saıtyna silteme jasap.

Qazaqstan komandasynyń ókilderi tómendegideı nátıje kórsetti:
- Dıana Tasjanova erkin stıl boıynsha 400 metr qashyqtyqty 4:13.47 ýaqytta júzip ótti. Ol tórtinshi bolyp fınalǵa shyǵyp, Qazaqstannyń jańa rekordyn ornatty.
- Ksenııa Ignatova 200 metrge shalqalaı júzýde 2:14.98 nátıjesin kórsetip, jetinshi orynmen fınalǵa shyqty.
- Sofıa Spodarenko 100 metrdi erkin tásil boıynsha 57, 16 sekýndta júzip ótip, 11-oryn ıelendi.
Fınal saıystary keshki 17:30-da bastalady.