Dıana Sharapova Gennadıı Golovkınge án arnady
ALMATY. QazAqparat - Qazaqstandyq ánshi Dıana Sharapova jýyq arada jeńilmeıtin boksshy Gennadıı Golovkın týraly klıpin usynady, al ázirge ónersúıer qaýym nazaryna ol ánniń tızerin saldy.
«Gennadıı Golovkınge arnalǵan klıp. Gennadıı shyn máninde rıng koroli, zamanaýı boks koroli, Qazaqstannyń úzdik kásibı sportshysy, óz mansaby kezinde birde bir urysta jeńilip kórmegen - men úshin jáne búkil álem úshin úlken tulǵa. Ol jaıynda án shyrqaý - men úshin qurmet», - delingen beınebaıanǵa túsindirmede.
Ánshi sondaı-aq án sóziniń avtory Serjan Qaıyrbaevqa alǵys aıtty.
Mýzykalyq klıptiń túsirilimi osy jylǵy tamyz aıynda ótti.
