Dıana hanshaıymnyń jempiri aýktsıonda 50-80 myń dollarǵa satylady

LONDON. QazAqparat - Dıana hanshaıymnyń ataqty qyzyl ala jempiri Sotheby's Icons of Style aýktsıonynda satylady, dep habarlaıdy QazAqparat Euronews agenttigine silteme jasap.

Jempirde bir qora aq qoıdyń ishinde jalǵyz qara saýlyq beınelengen.

Hanshaıym Dıananyń ańyzǵa aınalǵan bul jempiri onyń korol otbasynda ózin jat sezinetinin meńzeıtin edi.

Endi osy jyly kıim qyrkúıek aıyndaǵy Sotheby's onlaın aýktsıonynda satylymǵa shyǵady.

Lottyń boljamdy quny - 50-den 80 myń dollarǵa deıin.

Dıana alǵash ret 1981 jyly maýsymda ózi sóz baılasqan hanzada Charlzdiń polo matchtarynyń birinde osy dızaınerlik jempirmen kópshilik aldyna shyqqan.

Warm & Wonderful brendiniń ıeleri túpnusqany aýktsıonǵa ózderi shyǵaryp otyr.

Júnnen jasalǵan buıymnan tesik taýyp alǵan Dıana ony óndirýshi kompanııaǵa tigýge qaıtaryp jibergen.

Biraq dızaınerler oǵan jańa úlgisin berip, eski jempirdi ózderine alyp qalypty.

Al jańa jempir qazir Londondaǵy Vıktorııa men Albert murajaıynda saqtaýly tur.