Dıana hanshaıymnyń jempiri aýktsıonda 1 mln dollarǵa satyldy

Dıana hanshaıymnyń qoıdyń sýreti bar jempiri Nıý-Iorktegi Sotheby's aýktsıonynda adam nanǵysyz somaǵa - 1,14 mln dollarǵa satyldy, dep habarlaıdy QazAqparat BBC-ge silteme jasap.

Saýda-sattyq 31 tamyzda ashylyp, aýktsıonnyń sońǵy mınýttaryna deıin jempirge eń joǵary baǵa 200 000 dollarǵa da jetpedi.

Sotheby's toqylǵan lottyń qunyn 50-80 myń aralyǵynda deıin baǵalady. Aýktsıon sońynda 1 mln dollardan astam aqsha tólegen jempir ıesiniń kim ekeni jarııalanbady.

Buǵan deıin Dıananyń Ford Escort avtokóligi aýktsıonǵa qoıylyp, 2022 jyly 806 000 dollarǵa satylǵan edi.

Dıana jıi taǵatyn Atallanyń ametıspen bezendirilgen krestin qańtardaǵy aýktsıonda Kım Kardashıan shamamen 203 myń dollarǵa satyp aldy.

Osy joly satylǵan jempir Dıananyń korol otbasyndaǵy ornyn bildiretindigimen erekshe.

Buǵan deıin Dıana hanshaıymnyń ataqty qyzyl ala jempiri Sotheby's Icons of Style aýktsıonyna qoıylǵanyn jazǵan bolatynbyz.