Dıana hanshaıym men Ýınston Cherchılldiń ósıetteri jelige shyqty
ASTANA. QazAqparat - Ulybrıtanııanyń ulttyq muraǵaty senbi kúni, 27 jeltoqsanda brıtandyqtardyń 41 mıllıonǵa tarta ósıetterin ınternetke saldy, dep habarlady Agence France-Presse. Qujattardyń qysqasha túrdegi negizgi erejelerimen tegin tanysýǵa bolady, al sandyq kóshirmesi úshin 10 fýnt sterlıng (13 eýroǵa tarta) aqsha tóleýge týraly keledi, dep atap ótti lenta.ru.
Portal kelýshileri, atap aıtqanda Dıana hanshaıymnyń, premer-mınıstr Ýınston Cherchılldiń, jazýshylar Charlz Dıkkens pen Djordj Orýelldiń, «Vıını Pýh» avtory Alan Mılnniń, krıptograf Alan Tıýrıngtiń, sondaı-aq basqa da tanymal jáne qatardaǵy brıtandyqtardyń sońǵy tilegimen tanysa alady.
1870 jyly dúnıeden ótken Dıkkens, atap aıtqanda, ózin jerleýge baılanysty naqty ókim bergen. «Meni jerleý qymbatqa túspeıtin, qarapaıym túrde ótetin bolýyn talap etemin», degen «Olıver Tvıstiń» avtory. Sonymen qatar ol rásim kezinde moınyna shulyq salyp, qaraly perdeli qalpaq kııýge úzildi-kesildi qarsy bolǵan.
Alan Mıln óz kitaptarynan túsetin bolashaqtaǵy kiristerdiń bir bóligin Londondaǵy óziniń súıikti klýbyna, sondaı-aq ózi 1956 jyly qaıtys bolǵan Vestmıster mektebine ósıet etken.
Ósıetterdiń onlaın-jınaǵy 19-ǵasyrdyń ortasynan bastap, birjarym ǵasyrlyq kezeńdi qamtıdy. Uıymdastyrýshylar muraǵat kóptegen brıtandyqtardyń óz otbasylarynyń at-teginen habar berýine kómektesedi dep esepteıdi. Barlyq qujattardyń túpnusqalary Ortalyq Anglııadaǵy Bırmıngemde ornalasqan muraǵatta saqtaýly jáne oqyp-zerdeleýge qoljetimdi ekeni atap ótilgen.
