Dıana hanshaıym 3 jyl júrgizgen avtokólik aýktsıonda asa qymbatqa satyldy

NUR-SULTAN. QazAqparat – Ulybrıtanııada aýktsıonǵa shyǵarylǵan Dıana hanshaıymnyń Ford Escort avtokóligi 724 500 fýnt sterlıngke satyldy, dep habarlaıdy QazAqparat euronews-ke silteme jasap.

Dıana hanshaıym bul kólikti 1985 jyldan 1988 jylǵa deıin mingen. Ádette atalǵan avtokóliktiń osy úlgisi aq tústi etip shyǵarylatyn bolǵan. Alaıda, kózge kóp túspeýdi qalaǵan ledı Dıana qara túsine tapsyrys beripti.

Tarıhta aty qalǵan áıgili ulybrıtanııalyq hanshaıymnyń dúnıejúzindegi jankúıerleri ony eske alýǵa daıyndalyp jatyr. Aıta ketsek, ledı Dıana 1997 jyly 31 tamyz kúni Parıjde jol apatynan qaıtys bolǵan.