Diamond Princess laınerinde koronavırýs juqtyrǵandar sany 219-ǵa jetti
TOKIO. QazAqparat – Japonııa úkimeti Iokogamada karantınde turǵan krıýz kemesindegi sozylmaly aýrýy bar qart adamdardyń saraptama nátıjeleri teris bolsa - jaǵaǵa josparlanǵannan erte shyǵýyna ruqsat beredi, dep habarlaıdy QazAqparat Kyodo agenttigine silteme jasap.
Sonymen qatar, kemedegi taǵy 44 adamnan indet anyqtaldy. Japonııada koronavırýspen tirkelgen 247 adamnyń 218-i krýız kemesiniń jolaýshylary men ekıpaj músheleri.
Japonııa Densaýlyq saqtaý mınıstri Kato Katsýnobýdyń aıtýynsha, Diamond Princess laınerindegi 80 jastaǵy jáne odan da úlken 200-ge jýyq jolaýshy juma kúni densaýlyǵy men qalaýyna baılanysty kemeden shyǵa alady. Al densaýlyǵynda kinárat bar adamdar tolyq tekseristen ótken.
Kemeden ketýge ruqsat etilgen turǵyndar ortany oqshaýlandyrý aıaqtalǵanǵa deıin úkimet daıyndaǵan jerge qonystanady.
Aıta keteıik, osyǵan deıin Qazaqstannyń Densaýlyq saqtaý mınıstrliginiń resmı ókili Dıas Ahmetshárip Diamond Princess laınerinde Qazaqstannyń 4 azamaty bar ekenin aıtty.
