Diamond Princess krýızdik laınerinen 500-ge jýyq jolaýshy túsirilýde
BEIJІŃ. QazAqparat – Sársenbi kúni dál qazirgi sátte jolaýshylar Diamond Princess krýızdik laınerinen Japonııanyń Iokogama portynyń jaǵalaýyna shyǵyp jatyr, dep habarlaıdy QazAqparat jergilikti BAQ-qa silteme jasap.
Búgin laınerde jańa koronavırýstyń órshýine baılanysty eki aptalyq karantın aıaqtaldy.
Sársenbi, 19 aqpanda kemeden koronavırýsqa tapsyrǵan testi teris nátıje bergen jáne naýqastarmen baılanyspaǵan 500 jolaýshy shyǵa alady. Birinshi topta egde jastaǵy adamdar.
Jalpy, kemeden 3 myńǵa jýyq adam túsedi dep josparlanyp otyr. Japonııa mınıstrler kabıneti habarlaǵandaı, kemeden adamdardy shyǵarýǵa úsh kúndeı ýaqyt kerek.
Sonymen qatar, Japonııa bıligi laınerdegi barlyq jolaýshylardan koronavırýsqa synama alynǵanyn málim etti.
Alaıda, koronavırýs juqtyrǵandarmen baılanysta bolǵan jolaýshylar laınerde biraz ýaqytqa medıtsınalyq baqylaýǵa alynady.
Jaǵada jolaýshylardy avtobýstar kútip tur. Keıbir týrıster porttan taksımen ketip bara jatyr.
18 aqpandaǵy jaǵdaı boıynsha, kemede 543 jolaýshy men ekıpaj múshesi koronavırýs juqtyrǵan. Bul qurlyqtyq Qytaıdan tys jańa koronavırýs juqtyrǵandar kóp shoǵyrlanǵan jer bolyp otyr.
