Diamond Princess ekıpajy 20 kúndik karantınnen keıin kemeden shyǵarylady
TOKIO. Kyodo-QazAqparat - Jańa koronavırýstiń órshýine baılanysty Japonııanyń Iokogama portynda karantınge qoıylǵan Diamond Princess krýız kemesiniń ekıpaj músheleri búginnen bastap kemeden shyǵarylady. Bul týraly QazAqparat Kyodo agenttigine silteme jasap habarlaıdy.
Japonııanyń Densaýlyq saqtaý mınıstrliginiń habarlaýynsha kemeden shyǵarý birneshe kúnge sozylýy múmkin. Ekıpaj músheleri, onyń ishinde sheteldik azamattar Tokıo mańyndaǵy Saıtama prefektýrasynda ýaqytsha dárigerlerdiń baqylaýynda bolady.
Aqpan aıynyń basynda Iokogama portyna jetken kezde krýız laıneriniń bortynda 56 el men aımaqtan kelgen 3 700 jolaýshy jáne ekıpaj músheleri bolǵan. Sońǵy jolaýshylar ótken aptada jaǵaǵa shyǵaryldy.
Japonııa 900-ge jýyq koronavırýs juqtyrý jaǵdaıyn rastady, olardyń kópshiligi karantındegi kemege qatysty.
Keme Gonkong, Vetnam jáne Taıvan elderine, sondaı-aq Okınava aralynyń ońtústik prefektýrasynda toqtaǵannan keıin úshinshi aqpanda karantınge oqshaýlandy.
Eske sala keteıik, «Diamond Princess» krýız kemesiniń bortynda qazaqstandyq eki áıel jáne eki bala bolǵan. 23 aqpanda olar Qazaqstanǵa oralyp, elordada karantınge jatqyzyldy.
