«Dıabet balalar arasynda dendep barady» - respýblıkalyq basylymdarǵa sholý
ASTANA. Qarashanyń 11-i. / QazAqparat/ - Qazaq aqparat agenttigi respýblıkalyq basylymdarda qarashanyń 11-i, sársenbi kúni shyqqan ózekti materıaldarǵa sholýdy usynady.
Keshe Aqordada Memleket basshysy Nursultan Nazarbaev Eýropadaǵy Qaýipsizdik jáne yntymaqtastyq uıymy Parlamenttik Assambleıasynyń tóraǵasy Joao Soareshti qabyldady. Qabyldaý kezinde taraptar 2010 jyly Qazaqstannyń bedeldi uıym - EQYU -ǵa tóraǵalyǵy jónindegi máselelerdi talqylady. Tolyǵyraq «Egemen Qazaqstan» basylymynyń búgingi sanyndaǵy «Prezıdent bastamasyna qoldaý bildirildi» degen taqyryppen berilgen maqaladan oqı alasyzdar.
Joao Soareshtiń sapary týraly «Kazahstanskaıa pravda» gazeti de jazyp, «Qazaqstan óte mańyzdy bastamamen shyǵyp otyr. Osy jańa ıdeıany júzege asyrý halyqaralyq uıymnyń jumysyna tyń serpin beredi» degen sheteldik qonaqtyń sózin keltirgen.
Osy taqyryptaǵy maqalany «Aıqyn» gazetiniń búgingi sanynan da oqýǵa bolady.
«Bıylǵy jyly elimizdegi eki birdeı eń aldyńǵy qatarly jetekshi oqý orny - Ál-Farabı atyndaǵy QazUÝ men Q.I Sátbaev atyndaǵy QazUTÝ 75 jyldyq mereıli jasqa kelip, biri merekeni atap ótse, ekinshisi daıyndyq ústinde. Osy aıtýly eki oqıǵaǵa oraı Memleket basshysy N.Á.Nazarbaev aldymen QazUÝ-ge arnaıy kelip, respýblıkadaǵy barsha joǵary oqý oryndarynyń professorlary men stýdentterine arnaıy dáris oqýy, onan keıin tehnıkalyq bilimniń qara shańyraǵy - QazUTÝ-ǵa atbasyn burýy mereıtoılar mártebesin kóterip, elimizdiń bilim men ǵylymǵa degen yqylasy erekshe ekendigin ańǵartty». «Toıdyń bolǵanynan boladysy qyzyq» degen, mereıtoı qarsańynda atalmysh basylymnyń búgingi sany «Jestpis bes jyldyq jemister» degen taqyryppen Q.I.Sátbaev atyndaǵy QazUTÝ-dyń rektory, professor Jeksenbek Ádilovpen bolǵan suhbatyn jarııalapty.
Sondaı-aq osy basylymdaǵy «Eldiń rýhanı qajetin óteý» degen taqyryppen berilgen maqala «Egemen Qazaqstan» gazetiniń 90 jyldyǵyna oraı berilipti. «Gazettiń 90 jyldyq tarıhyn oısha sholǵanda, jańa ǵasyrdyń jyl qusyndaı bolǵan «Etjeńdi «Egemen» tomdaryn bir kezde ardaqty aǵalar qolǵa alǵan «Eńbekshi qazaq» kitaphanasynyń rýhanı jalǵasyna baladyq»,- deıdi basylym.
***
«Derttiń aýyr - jeńili bolsa da, jaman-jaqsysy bolǵan emes. Dese de, qant dıabeti degende, jan túrshigedi. Bul syrqatqa bir shaldyqpa, bir shaldyqsań, ómir boıy kútinip, ózińdi ómir qyzyqtarynan tyıyp júrýge týra keledi»,- dep jazǵan «Aıqyn» gazetiniń búgingi sanyndaǵy «Dıabet balalar arasynda dendep barady» degen taqyryptaǵy maqala áli kúnge deıin tolyqqandy emi tabylmaı kele jatqan «dıabettik» jaıynda sóz qozǵaıdy.
«Aýylyńda tóbeń bolsa - ertteýli turǵan atpen teń, qazynaly qartyń bolsa - jazylmaǵan hatpen teń» deıdi atam qazaq atalmysh basylymnyń búgingi sanyndaǵy «Qazaq balabaqshalaryn kóbeıtpeı, qazaq tiliniń kósegesi kógermeıdi» degentaqyryppen berilgen Sáýle Ábedınovanyń maqalasy akademık-ǵalym, professor Shora Shamǵalıulynyń ulaǵatty oılaryna toqtalypty.
Sondaı -aq basylymnyń dástúrli «Aq sóıle» aıdarymen berilgen «Bizdi Elbasymyzdyń ózi dál osylaı jumys isteýge úıretken» taqyrybyndaǵy suhbatta, Ońtústik Qazaqstan oblysynyń ákimi Asqar Myrzahmetov «Jol kartasy» aıasynda ońtústikke istelip jatqan ıgi sharalar jóninde áńgimeleıdi.
***
Qazaqstan ekonomıkasynyń báseke qabilettiligi tolyǵymen qalpyna keldi deýge bolady. Shıkizatqa degen baǵa, eksporttyq taýar jáne Qytaı men Reseıdegi jaǵdaı turǵysynan alǵanda, teńge baǵamy nyǵaıýy tıis. Qazir jaǵdaı qalypty, sondyqtan Ulttyq bank eshqandaı «ınterventsııalyq» shara júrgizbeıdi», - deıdi Ulttyq bank tóraǵasy G. Marchenko «Kazahstanskaıa pravda» basylymynda. Atalmysh gazet Ulttyq bank tóraǵasy keshe Elbasynyń qabyldaýynda bolǵanyn jazǵan.
«Tranzıt-servıs» JShS-niń salynyp jatqan qoımalar qurylysyndaǵy órt qaýipsizdik erejelerin saqatamaý saldarynan bolǵan. Tótenshe jaǵdaılar mınıstri V. Bojkonyń bul tujyrymyn «Ekspress-K» gazeti keltirgen. Onyń aıtýynsha, qoıma ishinde bolǵan adamdar ystan jáne órtten bólingen hımııalyq elementterden ýlanyp ólgen. Eger jumysshylar órt sóndirýshilerdi der kezinde shaqyryp, órtti ózderi sóndirýmen aınalyspaǵandarynda kóp qurbandyq bolmas edi.
Bul apat týrasynda «KazPravda» gazetinen de oqýǵa bolady.
Al «Izvestııa-Kazahstan» gazeti oqyrmandaryna Іshki ister mınıstrligi zańmen tyıym salynǵan jerlerde temeki shekkenderge aıyppul salýdy bastaıtynyn jetkizgen. Polıtsııa «Halyq densaýlyǵy týraly» kodeks kúshine ene salysymen, onyń baptaryna sáıkes, temeki shegetin oryndardyń aýmaǵy shektelýine baılanysty zań buzǵan azamattarǵa aıyppul salýǵa ýaqytsha moratorıı jarııalaǵan edi. Bul el azamattarynyń jańa zań talaptarymen tanysýǵa berilgen mursat bolatyn. Endigi ýaqytta zańmen tyıym salynǵan orynda temeki shekken azamattarǵa resmı túrde aıyppuldar salynbaq.
