Dı Kaprıo túsken jańa fılm Qazaqstanda qashan kórsetiletini belgili boldy
ASTANA. QazAqparat - 2015 jylǵy «Oskardyń» trıýmfatory Alehandro Gonsales Inıarrıtý taǵy bir jobasyn prokatqa daıyndap jatyr. Jýyrda onyń «Oralǵan arýaq» («The Revenant») atty vesterniniń alǵashqy tızer treıleri jaryq kórdi, dep jazady bmtv.kz saıty.
Fılmde basty rólderdi Leonardo Dı Kaprıo, Tom Hardı, Donal Glıson, Ýıll Poýlter, Lýkas Haas jáne t.b. akterler somdaıdy. «Oralǵan arýaq» Maıkl Pýnkeniń romanynyń jelisi boıynsha túsirildi. Sıýjette XIX ǵasyrdyń basyndaǵy ań terisin jınaýshylar men úndister arasyndaǵy teketires sýretteledi. Hıý Glass esimdi keıipker aıýdyń shabýylyna ushyrap, aýyr jaralanady. Janyndaǵy dostary ony aıdalada tastap ketedi. Biraq Hıý aman qalyp, ózin satyp ketken adamdardan kek qaıtarmaq bolady. Fılm Qazaqstan prokatyna 2016 jyldyń basynda shyǵady dep josparlanýda.
